የመሬት መጠበቂያ ጠፍጣፋ ብረት ግድግዳ

Published July 3, 2024, 5:12 a.m. by

የመሬት መጠበቂያ ጠፍጣፋ ብረት ግድግዳ (sheet pile wall)

ጥቅም

ሰእል: የመሬት መጠበቂያ ጠፍጣፋ ብረት ግድግዳ Soil properties

የመሬት መጠበቂያ የጠፍጣፋ ብረት ግድግዳ በግንባታ ጊዜ በግንባታ ቁፋሮው ዙሪያ የሚገኝ መሬት እንዳይናድ ወይም እንዳይፈርስ ጠብቆ ለመያዝ የሚያስችል ከጠፍጣፋ ብረት በተለያየ ቅርጽ የሚሰራና እርስ በእርሱ በመሰካካት ርዝመት ያለው ውሃ ወደ ግንባታ ቦታው እንዳይሰርግ ለማድረግ የሚያስችል የቁፋሮ ግድግዳ አይነት ነው

የመሬት መጠበቂያ የጠፍጣፋ ብረት ግድግዳ ብዙውን ግዜ ጥቅም ላይ የሚውለው ውሃ ወደ ግንባታ ቦታው እንዳይሰርግ በሚፈለግበት ጊዜ ሲሆን፤ ግድግዳውን ከግንባታ መሬት ስር ወደሚገኝ ውሃ ወደ ማያሳልፍ የመሬት ንጣፍ ውስጥ በመቅበር ወይም ቁፋሮው ካለቀ በኋላና ውሃው ሳይመጠጥ በፊት ከውሃ ስር በሚሰራ የኮንክሪት ወለል ንጣፍ አማካኝነት የውሃን ስርገት በመከልከል የግንባታ መሬቱን ከውሃ ስርገት ለመጠበቅ የሚሰራ የቁፋሮ የግድግዳ አይነት ነው

ሰእል: በመሬት መጠበቂያ ጠፍጣፋ ብረት ግድግዳ ስርገትን መከላከል

Soil properties

አሰራር

የመሬት መጠበቂያ የጠፍጣፋ ብረት ግድግዳ በመግፋት፣ በመደብደብ፣ በመነቅነቅ ወደ ግንባታ መሬት ውስጥ የሚቀበር ሲሆን፤ የግንባታ መሬቱ ጥንካሬ ይህን የማይፈቅድ ከሆነ መሬቱን አስቅድሞ በመቦርቦሪያ መሳሪያዎች በመቦርቦርና በማለስለስ ቀጥሎም ግድግዳውን ከላይ በተጠቀሱት መንገዶች ወደ መሬት መቅበር ይቻላል

ጥልቀት ባለው የግንባታ ቁፋሮ ወቅት የመሬት መጠበቂያ የጠፍጣፋ ብረት ግድግዳ የሚያርፍበትን የአፈር ወይም በአካባቢው የሚገኝ የግንባታ አካል ጭነትን ለብቻው ለመቋቋም ስለማይችል፣ በመልህቆች (anchors) ወይም በቅስቶች (stiffners) በተለያየ ጥልቀት ሊደገፍ ይገባዋል

ምጠና

የመሬት መጠበቂያ የጠፍጣፋ ብረት ግድግዳ ምጠና በግድግዳው ላይ የሚያርፉ የመሬት ግፊት እና የውሃ ግፊት የመሳሰሉ ጫናዎችን ከግምት በማስገባትና ግድግዳውን እንደ አግዳሚ በማሰብ፣ እንዲሁም መልህቆችን፣ ቅስቶችንና ከግድግዳው ስር የሚገኝ ጠባቂ (ተገፊ) የአፈር ግፊትን (passive earth resisitance) እንደ ድጋፍ በማሰብ ይከናወናል

የመሬት መጠበቂያ የጠፍጣፋ ብረት ግድግዳ ብዙውን ጊዜ ለገፊ የአፈር ግፊት (active earth pressure) ምጠና የሚደረግለት ሲሆን፣ በግድግዳው አቅራቢያ ጥበቃ የሚያስፈልጋቸው ሌሎች የግንባታ አካላት ካሉ የረጋ የአፈር ግፊትን (earth pressure at rest) በከፊል በጭነት ውስጥ በማስገባት ምጠናው ይከናወናል